Wedi’u hysbrydoli gan y stori deimladwy i blant gan Oscar Wilde, ‘The Selfish Giant’, mae’r ddau arbenigwr blaenllaw ym myd theatr i’r teulu, o Fryste, yn ymuno i archwilio cyfeillgarwch anghyffredin a sut gall calon hyd yn oed y cawr mwyaf pwdlyd doddi pan ddaw’r gwanwyn o’r diwedd.
Mae Grinter yn gawr. Mae hi’n byw’n hapus ar ei phen ei hun yn ei thŷ oer, enfawr, wedi’i hamgylchynu gan ei gerddi gaeafol enfawr, a’i hamgáu yn ei waliau uchel sydd wedi’u gorchuddio â rhew. Mae hi’n cau’r byd allan, oherwydd amser maith yn ôl, fe wnaeth y byd ei chau hi allan, ac felly mae hi’n cuddio, yn ddiogel ac yn dawel yn ei chartref heddychlon, rhewllyd. Y tu allan i waliau uchel ei gardd enfawr, mae’r byd wedi bod yn newid a dim ond ychydig iawn o wyrdd sydd ar ôl.
Un diwrnod, mae’r plant – wedi diflasu ar chwarae ar ffyrdd caled a thoeau llwyd – yn dod o hyd i dwll yn wal y cawr ac yn dringo drwyddo, gan newid cwrs bywydau’r plant a Grinter am byth.
Mae adrodd straeon pwerus, pypedwaith hudolus, dylunio hardd, cerddoriaeth swynol ac ychydig o hudoliaeth yn crynhoi’r sioe hynod arbennig hon.
