Ymunwch â chrewyr ‘The Selfish Giant’ a ‘The Snow Baby’ ar gyfer sioe i blant hudol a doniol heb ei thebyg.
Wrth symud tŷ i ddinas newydd lle mae hi bob amser yn bwrw glaw, mae Kit ar ei ben ei hun. Mae gwneud ffrindiau bob amser yn anodd, ond yma, mae’n teimlo’n amhosibl. Mae’r glaw yn arllwys ar y to ac yn diferu i lawr paneli’r ffenestr, gan ddal Kit yn llonyddwch tawel ei ystafell wely dywyll.
Ond, un noson, wrth iddo sgriblo’n ddidaro i ddifyrru’r amser, mae’r chwyrliadau a’r patrymau ar y dudalen yn dechrau chwerthin ac yn dod yn fyw ac mae antur anarferol iawn yn datblygu!
A hithau wedi’i dyfeisio gan un o wneuthurwyr theatr mwyaf blaenllaw Bryste i’r teulu cyfan, mae Soap Soup yn cyfuno theatr plant o ansawdd uchel â hud mapio tafluniadau, gan ddod â darluniau bywiog yn llyfr plant cyntaf y Cyfarwyddwr Artistig, Tomasin Cuthbert, yn fyw.
Bydd Minny Stynker yn cyflwyno profiad theatr hollol unigryw i chi fel nad ydych chi erioed wedi’i brofi o’r blaen!
